…यांनी साकारला अनोखा आंतरजातीय विवाह

दर्यापूर – महेश बुंदे

दर्यापूर तालुक्यातील तोंगलाबाद येथील बायस्कार कुटूंबात वंश परंपरेने अल्पसे दिव्यांग व्यक्तिमत्त्व आढळतात त्यापैकीच मुबंई येथे कंपनीत कर्तव्यावर असलेले श्री गणेश बायस्कार यांनी एका अल्प दिव्यांग असलेल्या वैशाली नावाच्या मुलीसोबत आंतरजातीय विवाह केला. श्री गणेश बायस्कार हे मूळचे तोंगलाबादचे रहिवासी असून ते माळी समाजाचे आहेत तर मुलगी मुबंई येथील असून ती बोध्द समाजाची आहे.

त्यांचे नुकतेच तोंगलाबाद येथे आगमन झाले त्या प्रीत्यर्थ गावकऱ्यांनी त्यांचे मनापासून स्वागत केले. गावातील माजी सरपंच व समाजसेवक श्री. रामहरी राऊत व गोपालराव जाऊळकार यांनी पुढाकार घेऊन त्यांची आमदार श्री. बळवंत वानखडे, श्री. सुधाकर भारसाकळे, श्री. बाळासाहेब हिंगणीकर, श्री. रामूसेठ मालपाणी यांची प्रत्यक्ष भेट श्री. रामहरी राऊत यांनी घडवून आणली. तसेच श्री अमोल जाधव यांच्या गाडीने त्यांना अमरावती येथे समाज कल्याणच्या माध्यमातून मिळणाऱ्या धनराशीसाठी लागणाऱ्या कागदपत्रांची जुळवाजुळव केली. या दिवस भराच्या कामाच्या गडबडीत त्यांना जेवणाचे ही भान राहिले नाही जेव्हा ही मंडळी दर्यापूर येथून मुबंईला रवाना झाली तेव्हा खाजगी गाडी द्वारे पोहचत करण्यासाठी स्वतः श्री. राम हरी राऊत, डॉ. गजानन हेरोळे, महेश बुंदे, यांनी त्यांना भावपूर्ण निरोप दिला. या अशा भावस्पर्शी ऋणानुबंधाचा उल्लेख करताना माजी सरपंच श्री. राम हरी राऊत यांनी जनसेवा हीच ईश्वर सेवा म्हणजे पंढरीची एक वारी कमी झाली तरी चालेल एवढे समाधान याप्रसंगी त्यांनी व्यक्त केले.