दर्यापूर येथील शासकीय वसतिगृहातील प्रवेश प्रक्रियेला सुरुवात

दर्यापूर – महेश बुंदे:-

सन २०२१-२२ या वर्षांसाठी दर्यापूर येथील शासकीय वसतिगृहातील प्रवेश प्रक्रिया सुरू करण्यात आली असून समाजकल्याण उपआयुक्तांच्या सूचनेनुसार २६ नोव्हेंबर २०२१ पर्यंत ही प्रवेश प्रक्रिया राबविण्यात येणार आहे. अनुसूचित जाती, अनुसूचित जमाती, विमुक्त जाती, भटक्या जमाती, विशेष मागास प्रवर्ग, आर्थिकदृष्ट्या दुर्बल घटक, अपंग, अनाथ व दारिद्र्यरेषेखालील कुटुंबांतील विद्यार्थ्यांना विविध अभ्यासक्रमांचे शिक्षण घेणे सोयीचे व्हावे यासाठी शासकीय वसतिगृहे समाजकल्याण विभागाने सुरू केली आहेत.

दर्यापूर तालुका ठिकाणी मुलां-मुलींचे वसतिगृहे असून विद्यार्थी क्षमता दोनशेच्या जवळपास आहे. वसतिगृहात गुणवत्तेनुसार प्रवेशित विद्यार्थ्यांना निवास व्यवस्था, भोजन, शैक्षणिक, साहित्य व निर्वाह भत्ता आदी सुविधा मोफत देण्यात येतात. इयत्ता आठवीपासून पुढील अभ्यासक्रमासाठी प्रवेश अर्ज वाटपाची प्रक्रिया सुरू करण्यात आली असून इच्छुकांनी अर्ज वसतिगृहात सादर करण्याचे आवाहन गृहप्रमुख अनिल खेडकर यांनी केले आहे.