एस टी कर्मचाऱ्यांच्या सुरू असलेल्या आंदोलनास आमदार पाटणी यांची भेट

प्रतिनिधी फुलचंद भगत :-

वाशिम:-दिनांक ७ नोव्हेंबर रोजी कारंजा मानोरा विधानसभा मतदार संघाचे आमदार राजेंद्र पाटणी यांनी कारंजा एस टी आगार, बायपास येथे कारंजा एस टी कर्मचारी यांनी पुकारलेल्या आंदोलनास भेट दिली व त्यांच्या मागण्या व अडचणी समजुन घेतल्या तसेच एस टी कर्मचाऱ्यांना आपले पूर्ण सहकार्य राहील असे सांगितले.

राज्याचे मुख्यमंत्री व परिवहन मंत्री यांना पत्र देत असल्याचे सांगीतले.यावेळी आंदोलनात सामील एस टी कर्मचारी मोठ्या संख्येने उपस्थीत होते.एस टी कर्मचारी यांच्या मागण्या रास्त असल्याने व आंदोलन सनदशीर मार्गाने सुरू असल्याने सरकारने आंदोलनाची दखल त्वरीत घ्यावयास पाहिजे होती अशी चर्चा उपस्थीत कर्मचारी यांच्यात होती.यावेळी आमदार पाटणी यांचे सोबत भाजपा तालुकाध्यक्ष डॉ राजीव काळे, भाजपा शहराध्यक्ष ललित चांडक, भाजपा जिल्हा उपाध्यक्ष अनिल कानकीरड आदी मान्यवर उपस्थित होते.