एसटीच्या संपाचा फायदा घेत खाजगी वाहतुकदारांची चांदी;प्रवाशांचे हाल

प्रतिनिधी फुलचंद भगत :-

वाशिम: दोन दिवसापासून जिल्ह्यातील वाशिम,कारंजा,रिसोड आणि मंगरूळपिर या 4 एसटी आगारातील बस सेवा कर्मचाऱ्यांच्या संपामुळं ठप्प पडल्यानं बस डेपोत शुकशुकाट दिसून आलं आहे. प्रवाशी बस स्थानकात अडकून पडल्यानं त्यांचे हाल दिसून आले होते.

तर दुसरीकडे खाजगी वाहानाने प्रवाशी वाहतूक होत असतांंना कोरोना नियामांंची ऐसी तैसी होतांंना दिसत आहे.वाशिम – अकोला सुरु असलेल्या खाजगी बस मध्ये क्षमतेपेक्षा जास्त प्रवाशी वाहतूक होत आहे.या बस मध्ये जागा नसल्याने प्रवाशी उभे राहून प्रवास करत आहे.मात्र एस टी बस बंद असल्यामुळे ह्या खाजगी बस चालकांंकडून अव्वा च्या सव्वा दराने तिकेट फाडले जात आहे.यामुळे सणासुदीच्या वेळेस प्रवाशांचे हाल होत असून प्रवाशांना अनेक अडचणीचा सामना करावा लागत आहे.