वाशिम आगारातील एसटी कर्मचार्‍यांनी संपात घेतली ऊडी

प्रतिनिधी फुलचंद भगत:-

वाशिम: वाशिम जिल्ह्यातील कारंजा आणि वाशिम एसटी आगारातील कर्मचाऱ्यांनी ही शासनात विलनिकरणा च्या मागणीसाठी कालपासून संप पुकारला असून दोन दिवसापासून या दोन्ही आगारातील बस सेवा पूर्णतः ठप्प पडली आहे.

आज वाशिम व कारंजा बस कर्मचारी दुसऱ्यादिवशी एकत्र येत राज्य सरकार विरोधात जोरदार घोषणाबाजी केली.दोन दिवसापासून जिल्ह्यातील वाशिम,कारंजा,रिसोड आणि मंगरूळपिर या 4 एसटी आगारातील बस सेवा कर्मचाऱ्यांच्या संपामुळं ठप्प पडल्यानं बस डेपोत शुकशुकाट दिसून आलं आहे.यापूर्वी गत 5 दिवसांपासून जिल्ह्यातील रिसोड आणि मंगरूळपिर आगारातील बस सेवा बंद होती. प्रवाशी बस स्थानकात अडकून पडल्यानं त्यांचे हाल दिसून आले होते.तर अनेकांना खासगी वाहनांची वाट पाहावी लागत आहे.