🐍 स्वामी विवेकानंद इंग्लिश मेडियम स्कूल कोवाड, तालुका चंदगड येथे आयोजित सर्प जनजागृती कार्यशाळा 🐍

🌐 टिम वर्ल्ड फॉर नेचर उपक्रम 🌐

  वर्ल्ड फॉर नेचर संस्थेने कोल्हापूर जिल्ह्यातील ग्रामीण भागात, वाड्या वस्त्यांच्यावर *सर्प जनजागृती अभियान* सुरू केले आहे. या अभियानाअंतर्गत काल स्वामी विवेकानंद इंग्लिश मेडियम स्कूल, कोवाड, तालुका चंदगड, जिल्हा कोल्हापूर या शाळेत *१०० विद्यार्थ्यांसाठी "सर्प जनजागृती कार्यशाळा"* घेण्यात आली. प्रचंड उत्साहात या शाळेमधील सर्व विद्यार्थ्यांनी या कार्यशाळेस प्रतिसाद दिला.

   या कार्यशाळेचे वैशिष्ट्य म्हणजे २ ऑगस्ट रोजी झालेल्या नागपंचमीच्या सणाला या चिमुकल्या विद्यार्थ्यांनी साप, नाग, घोणस यांच्या मातीच्या प्रतिकृती तयार केल्या होत्या व पेंटींग्ज पण काढले होते. त्यामुळे या बालमित्रांनी भरपूर प्रश्न विचारून आम्हा सर्वांनाच आश्चर्याचा सुखद धक्का दिला. या शालेय वयातही विद्यार्थ्यांना सापांच्या बद्दल बरीच माहिती होती. 

   हि कार्यशाळा घेण्यासाठी स्वामी विवेकानंद इंग्लिश मेडियम स्कूल, कोवाड या शैक्षणिक संकुलाचे अध्यक्ष डॉ. प्रविण पाटील, डॉ.अर्चना पाटील, मुख्याध्यापक श्रीकांत सुळेभावकर, शिक्षक अनिल गुरव, सुवर्णा पाटील, शितल बोंगाळे, सीमा कांबळे, सुविधा मनगुतकर, रोहिणी पुजारी यांचे सहकार्य लाभले. 

  या कार्यशाळेसाठी वर्ल्ड फॉर नेचर टिमचे संस्थापक अध्यक्ष शुभम पांडे, कोल्हापूर जिल्हाध्यक्ष अभिजीत वाघमोडे, रामानंद गावडे, सुजित दळवी, श्रेयस शेट्टी, विनोद कांबळे उपस्थित होते.

 पावसाळयात साप बाहेर पडण्याचे प्रमाण वाढते त्यामुळे सर्वांनी योग्य ती काळजी घ्यावी व पूर्ण माहितीशिवाय कोणत्याही सापाला पकडण्याचा प्रयत्न करू नये. सापाला मारण्याचा प्रयत्न करू नये व साप चावल्यावर अघोरी उपाय करण्यात वेळ न दवडता त्वरित सरकारी दवाखान्यात दाखल होऊन पुढील उपचार घ्यावेत असे आवाहन वर्ल्ड फॉर नेचर टीमने केले आहे.

🙏 🌱🌴🌿 🐍 🌳☘️🌲🐍🌱🌴🌿🌳🐍☘️🌲🙏

✍🏼 टिम वर्ल्ड फॉर नेचर