सद्गुरू जिनिंग प्रेसिंगमध्ये कापूस खरेदीचा शुभारंभ,८९२१ रुपयांनी झाली खरेदी सुरू

दर्यापूर – महेश बुंदे

सद्गुरू जिनिंग प्रेसिंग प्रा. लिमिटेडमध्ये दि २ नोव्हेंबर रोजी कापूस खरेदीला शुभारंभ करण्यात आला असून आजपर्यंत दर्यापूर तालुक्यातील सर्वच्च भाव ८९२१ रुपयांनी कापूस खरेदीला सुरवात झाली आहे. आज धनत्रयोदशी कापूस खरेदीला सुरवात झाली असल्याने चांगला भाव आपल्या कापसाला मिळणार म्हणून शेतकऱ्यांनी आपला माल मोठ्या प्रमाणावर सदगुरू जिनिग व प्रेसिंगमध्ये विकण्यासाठी आणला होता. शेतकऱ्यांचा विश्वास संपादन केल्यामुळे या जिनिग व प्रेसिंग मध्ये शेतकरी मोठ्या प्रमाणावर आपला माल घेऊन आले असल्याचे दिसून आले.

यावेळी सद्गुरू जिनिंग प्रेसिंगचे संचालक सुधाकर पाटील भारसाकळे यांनी प्रथम शेतकरी जैनपुर येथील वसंतराव वानखडे यांचे अक्षवन करत शाल-श्रीफळ देऊन स्वागत केले. या प्रसंगी सुधाकर पाटील भारसाकळे, सुनील पाटील गावंडे, एकनाथराव कावरे, गजानन पुरी, दिलीप भदे, मदनराव काळे, संजय कळस्कर, सुरेश मानकर, प्रमोद मुळे, शिवा मानकर, राज पाटील भारसाकळे, गोपाल फलके, दत्ता गावंडे, सरकी दलाल निरव पारीख, सचिन वर्मा, बब्बू भाई, फिरोज भाई, सददुभाई ठेकेदार व असंख्य शेतकरी उपस्थित होते.