भामोद सेवा सहकारी सोसायटीच्या अध्यक्षपदी विनय पावशे उपाध्यक्षपदी अनिल पाटील भांडे अविरोध

दर्यापुर – महेश बुंदे

तालुक्यातील बहुचर्चित असलेली भामोद सेवा सहकारी सोसायटीची निवडणुक नुकतीच पार पडली असता यामध्ये अनिल उर्फ बबलू पाटील भांडे, सुभाष पाटील पावशे, विलास भाऊ अघडते यांच्या नेतृत्वात शेतकरी पॅनलच्या १३ ही उमेदवारांचा विजय झाला होता.

निवडून आलेल्या संचालकामधून अध्यक्ष व उपाध्यक्ष यांची अविरोध निवड होऊन अध्यक्षपदी विनय पावशे उपाध्यक्षपदी अनिल ऊर्फ बबलू पाटील भांडे त्यांची निवड झाली. निवडून आलेल्या सदस्यांमध्ये अमोल आढे, ओंकार आढे, राजेश कोल्हे, प्रभाकर जायले, श्रीकांत जोशी, राजेश भांडे, शीला रामेकर, संगीता भांडे, पद्मा डाबक, अतुल कात्रे, ओंकार खडे यांचा समावेश आहे. अध्यक्षपदाची निवडणूक बिनविरोध झाल्यामुळे गावात आनंदाचे वातावरण आहे. उपस्थित गावकर्‍यांनी सुद्धा अध्यक्ष उपाध्यक्ष व संचालकांचे स्वागत केले आहे.