जिल्हाधिकारी यांच्या हस्ते दिले कोविडमुळे पालकत्व गमावलेल्या बालकांना अनाथप्रमाणपञ

प्रतिनिधी फुलचंद भगत :-

वाशीम:-जिल्हयातील कोविड मुळे आई आणि वडील दोन्ही पालक गमावलेल्या चार बालकांना आज जिल्हाधिकारी श्री.षण्मुखराजन यांच्या हस्ते अनाथप्रमाणपत्र वाटप करण्यात आले.या प्रसंगी जिल्हा महिला बालविकास अधिकारी कु.प्रियांका गवळी यांची ऊपस्थिती होती.

नवीन शासन निर्णयानुसार कोविडमुळे अनाथ झालेल्या मुलांना या अनाथप्रमाणपत्राच्या आधारे शैक्षणिक व नोकरीत एक टक्का आरक्षण मिळणार आहे.असे प्रमाणपञ मीळालेल्या या चारही मुलांना बालसंगोपन योजनेचा लाभ दिला आहे असे जिल्हा महिला बालविकास अधिकारी कु.प्रियंका गवळी यांनी सांगितले.या योजनेअंतर्गत त्यांच्या खात्यात दरमहा 1100 रुपये जमा होणार असून 18 वर्ष पूर्ण झाल्यावर पाच लक्ष रुपये त्यांना मिळणार आहेत. या प्रामाणपत्र वाटप वेळी प्रभारी जिमबा अलोक अग्रहारी, परिविक्षाअधिकारी गणेश ठाकरे,लक्ष्मी काळे, जीन्सजी चौधरी, रमेश वाघ व बालकांचे नातेवाईक उपस्थित होते.