चाकण ते पिंपरी चिंचवड, निगडी बस सेवा सुरु करण्याची मागणी

प्रतिनिधी सुनील बटवाल

चिंबळी दि ५(वार्ताहर ) पिंपरी चिंचवड, निगडीला जाण्यासाठी प्रवाशांची गैरसोय मोशीमधून कामगारवर्ग, विद्यार्थी महिला, जेष्ठ नागरिक यांना पिंपरी चिंचवड आणि निगडी या भागात जाण्यासाठी थेट बस उपलब्ध नसल्याने मोठ्या प्रमाणावर गैरसोय होत आहे. कामानिमित्त, शिक्षणासाठी, शासकीय कामानिमित्त नागरिकांना या ठिकाणी ये जा करावी लागते .

थेट बस उपलब्ध नसल्याने नागरीकांना भोसरीला जाऊन बस बदलावी लागते यामुळे पैसे आणि वेळेचा अपव्यय होतो. काही वर्षांपूर्वी चाकण ते चिंचवड, पिंपरी, निगडी हे मार्ग सुरू होते प्रवाशांची संख्यादेखील मोठी होती. ग्रामीण भागातील प्रवाशांची यामुळे चांगली सोय होत होती परंतू अचानक हे तीनही मार्ग पीएमपीने बंद केले . मोशी परिसरातील लोकसंख्येत मोठ्या प्रमाणावर वाढ झाली असल्याने पिंपरी चिंचवड शहरात प्रवास करणा-यांच्या संख्येत देखील वाढ झाली आहे .

प्रवाशांना नाईलाजास्तव धोकादायक पद्धतीने खाजगी वाहनातून प्रवास करावा लागतो. या भागातील प्रवाशांची गैरसोय दूर करण्यासाठी पीएमपीने मोशी किंवा चाकण येथून पिंपरी चिंचवड आणि निगडी हे मार्ग पुन्हा सुरू करावेत. 
मोशी, चिंबळी, कुरूळी चाकण या भागातील शेतकरी कामगार, विद्यार्थी यांची थेट बस नसल्याने गैरसोय होत आहे.

चाकण येथून पिंपरी चिंचवड शहरांत जाण्यासाठी पी.एम.पी.एम.एल ने बस सुरू केल्यास प्रवाशांची चांगली सोय होईल. प्रशासन ग्रामीण भागातील बससेवा वाढविण्यावर भर देत आहे,पण उपनगरांत मात्र नागरीकांना विविध ठिकाणी जाण्यासाठी तारेवरची कसरत करावी लागत आहे.
प्रतिक्रिया :- संतोष बोराटे मोशी.