तहसीलदार डॉ. योगेश देशमुख यांची गाडगे बाबा बालगृह परिसराला आकस्मित भेट

दर्यापूर – महेश बुंदे

अमरावती जिल्हा पालकमंत्री व महिला व बाल विकास मंत्री ऍड यशोमती ठाकूर यांच्या सहकार्याने श्री गाडगे महाराज मिशन मुंबई द्वारा संचालित श्री संत गाडगे महाराज बालगृह बनोसा दर्यापूर या संस्थेच्या ७५ वर्षे अगोदर श्री रतनलालजी राठी यांनी त्यावेळेस रतन बिल्डिंग बांधून दिली होती. मुशाफिर लोकांना राहण्याकरता कामात यावी म्हणून ही बिल्डिंग उभारले गेले मात्र कालांतराने त्या बिल्डिंगच्या चारी बाजूला म्हशी शेणखत टाकून इमारत अतिक्रमणे झाली होती.

शेवटी एडवोकेट मुंदडा यांच्या सांगण्यावरून स्व. नंदलालजी भट्टड यांनी इमारत जशी आहे, तशी त्या स्थितीत गाडगे महाराज मिशन मुंबईच्या दर्यापूर येथील निराधार बालकाश्रम यांना दान दिली व त्यानंतर या बिल्डिंगमध्ये ३५ ते ४० निराधार निराश्रित मुले वास्तव्यात राहायला लागली. आता पालकमंत्री यशोमती ठाकूर यांनी बिल्डिंगचे नूतनीकरण करण्यास सांगितले. त्यानुसार जवळजवळ ८० टक्के काम पूर्ण झाले आहे. मात्र एका बाजूने शेण आणि शेणखत आणि म्हशी यांचे वास्तव्य असल्याने इमारत दुरुस्ती करता त्रास होत आहे.

आज दिनांक २६ फेब्रुवारी दर्यापूर तहसीलदार डॉ. योगेश देशमुख यांनी आकस्मित भेट दिली व आतून-बाहेरून परिसराची पाहणी करून शेन व शेणखत म्हशी पाहून आश्चर्य व्यक्त केले. बालकांचे वास्तव्य व परिसर नगरपरिषदचे होणारे दुर्लक्ष पाहून खंत व्यक्त केली, तरी योग्य ते कारवाई करण्याकरता आपण संबंधितांशी बोलणार असल्याचे सांगितले.