कुरुळी आनंद  स्कूल मध्ये शिवजन्मोत्सव जल्लोषात साजरी

प्रतिनिधी सुनील बटवाल

 चिंबळी दि२० (वार्ताहर)  कुरुळी:आनंद इंग्लिश मिडीयम स्कूल मध्ये अखंड भारत देशाचे दैवत असलेले छत्रपती शिवाजी महाराजांची जयंती उत्साहात साजरी झाली.

या कार्यक्रमाच्या अध्यक्षस्थानी प्रमुख उपस्थिती अरविंद पवार  (पी. आय माळुंगे पोलीस स्टेशन) तसेच आनंद मेडिकल फाउंडेशन व आनंद स्कूलचे अध्यक्ष डॉ. गजानन मंकिकर संस्थापक डॉ .अनिल काळे मुख्याध्यापिका  सरला रेवगडे व गावातील इतर मान्यवर व्यक्ती उपस्थित होते. उपस्थितांच्या हस्ते शिवाजी महाराज यांच्या पुतळ्याचे व प्रतिमेचे पूजन करण्यात आले .छत्रपती शिवाजी महाराजांची सामुदायिक आरती करण्यात आली.

शिवाजी महाराज यांच्या जीवन कार्याविषयी शाळेतील शिक्षकांसह विद्यार्थ्यांनी सांस्कृतिक कार्यक्रमातून महाराजांचा संपूर्ण जीवनपट नाटकाद्वारे , पोवाडयातून, गाण्यातून सादर केला. कार्यक्रमाचे अध्यक्ष अरविंद पवार सर यांनी आजच्या  विद्यार्थ्यांनी शिवाजी महाराजांचा आदर्श डोळ्यासमोर ठेवून त्याप्रमाणे रहावे , तसेच सध्याच्या पिढीला उपयुक्त असे प्रबोधनपर विचार त्यांनी मांडले. शिवाजी महाराजांचा इतिहास घराघरात पोहोचला जावा तसेच विद्यार्थ्यांची वैचारिक विकास व्हावा यासाठी विविध  उपक्रमांमध्ये भाग घेणाऱ्या गुणवंत विद्यार्थ्यांना शिवाजी महाराजांच्या जीवनावर आधारित पुस्तक तसेच प्रमाणपत्र देऊन त्यांचा गौरव करण्यात आला. शाळेचे अध्यक्ष डॉ. गजानन मंकिकर सर यांनी आलेल्या सर्व मान्यवरांचे आभार मानले तसेच विद्यार्थ्यांनी केलेल्या सुंदर कार्यक्रमाबद्दल त्यांचे कौतुक तसेच शिक्षक व शिक्षकेतर कर्मचारी यांचेही अभिनंदन केले .