अंजनगाव तालुक्यातील कोकर्डा भागात शेतकऱ्यांचे उपोषण झेंडा चौकात !

अंजनगाव सुर्जी – महेश बुंदे

२०२१ मधील मुंग, उडीद पिकाच्या नुकसान भरपाई तुन सुटलेले कोकर्डा मंडळातील पात्र शेतकरी लाभार्थींना त्वरित नुकसान भरपाई मिळण्यात यावी, या मागणीला घेऊन कोकर्डा भागातील शेतकऱ्यांनी झेंडा चौकात रविवार पासून (दि.२३) दोन दिवसीय साखळी उपोषणाला सुरुवात केली आहे.

हे साखळी उपोषण दोन दिवस चालणार आहे. शेतकऱ्यांची मागणी मान्य न झाल्यास या उपोषणाचे रूपांतर आमरण उपोषणात होईल, अशी माहिती उपोषणकर्ते श्रीकृष्ण पाटील सावरकर यांनी दिली आहे. प्रशासनाने या प्रश्नावर त्वरित मार्ग काढावा, अशी मागणी आंदोलकांनी केली आहे.

यावेळी श्रीकृष्ण सावरकर, गोपाल गावनेर, राधेशाम कुले, बबन काकड, साहेबराव सावरकर, राजाभाऊ बोबडे, उद्धव बारब्दे, संजय लढ्ढा, लक्ष्मण भोपळे, चंदु गावंडे, नीतीन सावरकर, विलास तुरखडे, रामदास पाटील सावरकर, प्रभाकर कुले, भीमराव गवई, प्रकाश बारब्दे, सुधीर साबळे, श्रीकृष्ण डिके, डॉ. श्रीरिष इंगळे, बाळासाहेब अंबलकार, अतुल अंबलकार, सुनील काकड, वैभव इंगळे, सौरभ माहोरे, स्वर्गव माहोरे, संतोष सुरुजूसे, रवी काकड, संतोष पिंजरकर, सौ. पुष्पाताई सावरकर, सौ. रुकमाबाई सावरकर, सौ. प्रेमीला सावरकर उपस्थित होते.